A Man's A Man

Regular readers of the blog site have shown a surprising passion for poetry - in recent weeks.

So I thought I'd publish the full version of Robert Burns insipring words - from A Man's A Man (Is There For Honest Poverty).

See post dated 7 June 2010 - by way of background.

Is there, for honest Poverty
That hings his head, and a' that;
The coward-slave, we pass him by,
We dare be poor for a' that!
For a' that, and a' that,
Our toils obscure, and a' that,
The rank is but the guinea's stamp,
The Man's the gowd for a' that. -

What though on hamely fare we dine,
Wear hoddin grey, and a that.
Gie fools their silks, and knaves their wine,
A Man's a Man for a' that.
For a' that, and a' that;
Their tinsel show, and a' that;
The honest man, though e'er sae poor,
Is king o' men for a' that. -

Ye see yon birkie, ca'd a lord,
Wha struts, and stares, and a' that,
Though hundreds worship at his word,
He's but a coof for a' that.
For a' that, and a' that,
His ribband, star and a' that,
The man of independent mind,
He looks and laughs at a' that. -

A prince can mak a belted knight,
A marquis, duke, and a' that;
But an honest man's aboon his might,
Gude faith, he mauna fa' that!
For a' that, and a' that,
Their dignities, and a' that,
The pith o' Sense, and pride o' Worth,
Are higher rank than a' that. -

Then let us pray that come it may,
As come it will for a' that,
That Sense and Worth, o'er a' the earth
Shall bear the gree, and a' that.
For a' that, and a' that,
It's coming yet for a' that,
That Man to Man the warld o'er,
Shall brothers be for a' that.

Popular posts from this blog

SNP - Conspiracy of Silence

LGB Rights - Hijacked By Intolerant Zealots!